Aller aux commentaires
La bataille de Pavie 1525
1
O noble roy de France
Tant aymé et requis,
Des nobles la substance
De vaillance, de prix
Uug chacun te guemente
En te plaignant treffort
Prens du cas patience
En prenant reconfort.
2
Ce fust devant Pavie
Là se fist la journée.
D'Espaignols trente mille
Y avoir tous armé
Des lansquenetz grant suyte
Y furent amené
Oultre ceux de Pavie
Qui dessus ont donné.
3
Dessus les bons Françoys
Se sont venus jetter
Préparant leurs harnoys
Pour du tout les grever
En usurpant leurs droys
Qu'avoyent eu la duché
Dieu souffrant et courtoiys
Le leur vendra bien cher
4
Le roy en la bataille
Si n'a point reculé
Frappant d'estoc et de taille
Sans nullys espargné.
Mais affin que ne faille
Je vous dis vérité,
Trois chevaulz de paraige
Soulz luy furent tué.
5
Dieu veuille avoir l'âme
Des nobles trespassez
Qui ont passé la lame
Dont leurs jours ont finez.
Ca esté sans diffame
Car bien s'y sont portez.
Prions Dieu, Nostre Dame
Qui les veuille saulvez.
6
La fleur de la noblesse
Y montra son effort
Si treffort qu'en la presse
Ont esté prins de fect.
Mauldit soit qui ne cesse
Procurer trahison
C'est d'envie le sexe
Qui promet ce guerdon.
7
Qu'a fait la chansonnette
Ce ont gentils galans
Qu'estoyent en 1a deffaite
Bien marris et dolens.
Voyant le roi leur Maistre
Combattre vaillamment
Mais par gent deshonneste
Fust laissé lâchement.
Retourner en haut de page
Pas de commentaires
|
||||||||
