Aller aux commentaires
Vau de vire 1570. Vive le Roy
Vive le roy ! voicy la Patience
Plus ne nous faut vainement redoubter
Ces Espagnols vieux ennemis de France,
Lesquels vouiolient ce royaume usurper
Car ilz s'en sont retournez tous honteux
Hélas ! pourquoy vivent ces envieux ?
Ces faux ligueurs nous nourrissoient la guerre,
Qui nous a faict oublier nos chansons.
Ils ne nous ont rien laissé que la terre ;
Et, en vuidant nos tonneaux et poinssons,
Nous ont osté ce qu'aymions le mieux.
Hélas ! pourquoy vivent ces envieux ?
Mais maintenant qu'ils sont à vau de routte,
Et que failly ilz ont à leurs desseins,
Beuvons d'autant ! Ne nous chaille qu'il couste !
Car nos tonneaux peut estre seront pleins,
Et l'an qui vient nous rendra tous joyeux
Hélas ! pourquoy vivent ces envieux.
N'oublions peine nos gentilz vau de Vire ;
Honnestement le faut encor chanter
Si tu en scais, voisin, il les faut dire !
En attendant, un peu je vay gouster
Fay comme moy, tu en chanteras mieux.
Hélas ! pourquoy vivent ces envieux ?
Retourner en haut de page
Pas de commentaires
|
||||||||
