Aller aux commentaires
Quand reviendra notre roi à Paris 1389
En retournant du palais de Saint Pol,
Vy maintes gens complaindre et gramenter ;
Et en Grève ribaulx portant au col
Ne font tandis qu'enquierre et demander
Et quant sera le roy au retourner
De Languedoc ? trop y fait grant demeure.
Il n'a ouvrier Paris qui n'en pleure,
Car rien ne font, chascuns est esbahis
En enquérant le temps, le jour et l'eure
Quant reviendra nostre roy à Paris ?
A Petit Pont ne font faucons leur vol,
Ne les brodeurs n'ont gaires à broder.
A bon marchié sont ès halles li chol,
Les draps aussi et harnois pour armer
Ces cousturiers,n'ont guères à ourrer
Sellier n'y a qui petit ne labeure,
Ne fillette qui vers les clercs ne queurre
L'un a assez d'icelles juste pris
En demandant, courent l'un à autre seure :
Quant reviendra nostre roy à Paris ?
Les poulaillers et lormiers montfol
Rien ne vendent : on laisse le chanter
Es tavernes : car vin sont dur et mol.
Les heaumiers laissent le marteler;
Les orfèvres n'ont pas trop à dorer ;
Je n'y voy nuis, fors changeurs qu'on aoure
Pour ces blans neufs ; comment qu'ont les honeure,
Ils oront tout l'argent du plat païs,
Dont chascun dit à cuer plus noir que meure :
Quant reviendra nostre roy à Paris ?
L'envoy
Prince, pour vous des nouvelles mander
Quant je les vy ainsis oy parler,
De leurs regrés ceste balade escrips
Par vos se peut tout amender ;
Mais sans cela ne puet ce mot cesser :
Quant reviendra nostre roy à Paris?
Retourner en haut de page
Pas de commentaires
|
||||||||
