<< Page précédente | Retour à l'index Aller aux commentaires |
Page suivante >> | ||||||||||
Les parliers des moissonneurs 1394 Au moys d'Aoust qu'on soye les fromens M'en aloys jouer par un matin : Si vis bergiers et bergières aux champs Qui tenoient là leurs parliers moult grans Tant que Bochiers dit à Margot la broingne Que l'on aloit au traittié à Bouloigne Et que François et Anglois feront paix Elle respond : Foy que doy Magueloingne Paix n'arez là s'ilz ne rendent Calays. Lors vint avant Berthelot du Jardin Qui respondit : La paix suis desirans Car je n'ose descouchier le matin, Pour les Anglois qui nous sont destruisans Mais dire oy, il a passé dix ans Qu'à leur dessoubz quièrent toudis aloingne Pour mettre sur leur fait et leur besoigne Et puis courent le règne à grans eslays Maint l'ont véu. et pour ce je tesmoigne Paix n'arez jà s'ilz ne rendent Calays. Après paria par grant courroux Robin A Berthelot, et lui dist : Tu te mens, Car les François et les Anglois enfin Veulent la paix, il en est desor temps. Trop a duré la guerre et li contens, Ne je ne voy nul qui ne le ressoingne. Certes tout ce ne vault une escaloingne. Ce lui respont Henris li contrefais : Encore fauldra chascun sa broingne Paix n'arez j s' ils ne rendent Calays. Car l'autre jour oy maistre Martin Qui racontoit : le roy est mendre d'ans, Et qu'il estoit une loy en latin Qui deffendoit rien vendre des enfans. En Guyenne sont deux mille et cinq cens Villes, chasteauls qu'Anglois veulent qu'on doingne, Et grant tas d'or, et que le roy esloigne De roy en duc l'ommaige qui est fais. Qui fera ce ? respon sote Caroingne Paix n'arez jà s'ilz ne rendent Calays. Guichars li bruns, qui fut nez à déclin Dist que cilz faiz est douteux et pesans ; Voire, et qu'Englès y pensent mal engin De retenir ce port, qui est constans Si ce ne fust, bien le fussent rendans ; Mais i1s pensent barat, guerre et alloingne Faire au derrain. Ne le duc de Bourgoingne Et de Berry ne feroient jamais Tel paix à eux. Qui voulra ? Si me perdoingne Paix n'arez jà s'ilz ne rendent Calays. ENVOY Prince, là fut Bertrisons et Hersans Et Alizons, qui moult orent de sens ; Et jugiérent, quand li parlers fut fait, Que telle paix seroit orde et meschans Et concluirent aux bergers eulx disans Paix n'arez jà s'ilz ne rendent Calays. | ||||||||||||
Retourner en haut de page | ||||||||||||
Pas de commentaires |
||||||||||||
|